ភ្នំពេញ៖ ព្រះមហាក្សត្រកម្ពុជាព្រះបាទ បរមនាថ នរោត្តម សីហមុនី បានត្រាស់បង្គាប់បញ្ចប់មុខតំណែងឯកអគ្គរាជទូតកម្ពុជាចំនួន ១៣រូប បន្ទាប់ពីចប់អាណត្តិបេសកកម្ម។

ឯករាជទូតទាំង ១៣រូបនោះមានទូតប្រចាំប្រទេសហូឡង់ លោក ចាន់ រតនា ទូតប្រចាំប្រទេសព្រុយណេ លោក ហុក សុភា ទូតប្រចាំប្រទេសគុយបា លោកស្រី បាន បូរ៉ុម ទូតប្រចាំប្រទេសគុយវ៉ែត លោក ហ៊ុន ហាន ទូតប្រចាំប្រទេសឥណ្ឌា លោក អ៊ុន សាន។ ទូតប្រចាំប្រទេសម៉ាឡេស៊ី លោក ឆឺយ វិចិត្ត ទូតប្រចាំប្រទេសមីយ៉ាន់ម៉ា លោក ឈូក ប៊ុណ្ណា ទូតប្រចាំប្រទេសរុស្ស៉ី លោក អ៊ាត សីលា ទូតប្រចាំប្រទេសថៃឡដ៍ លោក អ៊ូក សោភ័ណ ទូតប្រចាំប្រទេសវៀតណាម លោក ចាយ ណាវុធ ទូតប្រចាំប្រទេសស្វីស និងបេសកម្មប្រចាំអង្គការសហប្រជាជាតិ លោក អាន សុខខឿន ទូតប្រចាំអង្គការសហប្រជាជាតិ និងកាណាដា លោក កែ សុវណ្ណ និងទូតប្រចាំលេខាធិកាដ្ឋានអាស៊ាន លោក យៀង សំណាង។

ក្រោយពីចប់អាណត្តិ និងបញ្ចប់តំណែង អ្នកទាំង១៣រូប នឹងត្រូវចូលមកក្នុងប្រទេសវិញ ខណៈរាជរដ្ឋាភិបាលនឹងត្រូវបញ្ជូនទូតថ្មីទៅជំនួស៕